Prokuroria e Tiranës hetime për përdorimin e forcës nga Policia

Prokuroria e Tiranës ka regjistruar një procedim penal për veprat penale të parashikuara nga nenet 248 dhe 250 të Kodit Penal, në lidhje me dëmtimin e shtetasit E.V. gjatë protestave të zhvilluara në kryeqytet. Menjëherë pas ngjarjes, Prokuroria ka kryer veprimet e nevojshme hetimore, duke përfshirë administrimin e pamjeve filmike të vëna në dispozicion nga Banka e Shqipërisë, marrjen e kartelës mjekësore pranë Spitalit Universitar të Traumës dhe kryerjen e veprimeve hetimore në bashkëpunim me Agjencinë e Mbikëqyrjes Policore (AMP). Gjithashtu, Prokuroria po punon për përcaktimin e menyra konkrete të komunikimit me autoritetet italiane për përcjelljen e një letërporesie drejtpërdrejtë pranë këtyre autoritetve. Hetimet vazhdojnë për sqarimin e plotë të rrethanave të ngjarjes dhe dokumentimin e saj në përsëritje me parashikimet ligjore në fuqi.