Studentët triumfuan në Serbi, në PS nis lufta brenda llojit për 'fatin' e Ramës

Protestat studentore në Serbi kanë tronditur kryeministrin, pasi studentët kanë kërkuar vetëm një gjë: dorëheqjen e Ramës dhe krijimin e një qeverie teknike. Përveç protestave dhe mesazheve nga jashtë vendit për të dëgjuar studentët, tashmë një front i ri është hapur dhe po forcohet aty ku pakkush e priste, aq me pak Edi Rama. Janë tre eksponentë socialistë që tashmë kërkojnë hapur që Rama të tërhiqet dhe tu hapet rruga studentëve.

Kjo është e fundit pas humbjes së pushtetit nga Aleksandër Vuçiç në Serbi dhe fitores së studentëve. Fillimisht ka qenë kryebashkiaku i arrestuar i Tiranës, Erion Veliaj, me të cilin Rama ka pasur një marrëdhënie pezull prej shumë kohësh. Veliaj me anë të një postimi në Facebook, ka uruar studentët në Serbi për fitoren e tyre, ndërkohë që ky postim i tij shihet dhe si një mesazh kundër Ramës, i cili po përballët protesta në vend.

"Lëvizjet dhe protestat studentore nuk janë "fundi i botes", por fundi i "një bote". Sa më shpejt ta kuptojmë këto si qytetarët e politikëve, aq më mirë do të dimë t'u përgjigjemi nevojave dhe pritshmërive të kësaj gjenerate," shkruan Veliaj, i cili gjatë kësaj kohe nuk ka bërë asnjë postim kundër protestave të studentëve edhe pse kanë bërë disa deme në kryeqytetin që ai drejton nga burgu i Durrësit.

Pas Veliajit, reagimi ka ardhur nga Elisa Spiropali, e cila pasi u shkarkua si Ministre e Jashtme ka qenë një kritike e vendimeve të Ramës. Me të njëjtin formë si Veliaj, Spiropali mbështeti protestat studentore në Beograd dhe fitoren e tyre kundër Vuçiç. Me një mesazh që ma duket merr kuptim dhe në Shqipëri, Spiropali thekson se qytetarët kanë fuqinë të ndryshojnë drejtimin e vendit të tyre, edhe përballe pushteteve që pretendojnë se janë të përhershme.

"Zgjedhjet në Serbi na kujtojnë ato që gjithmonë e kemi ditur: se popujt e kanë mundësinë dhe fuqinë ta ndryshojnë drejtimin e vendit të tyre, edhe përballe pushteteve që pretendojnë të jenë të përhershme. Uroj që kjo zgjedhje të hapë një kapitull të ri për demokracinë në Serbi dhe bashkëpunimin në rajon. Çka ndodhi në Serbi hap për Ballkanin një mundësi që duhet gjykuar hap pas hapi nga veprimet dhe reagimet që do të pasojnë," shkruan Spiropali, e cila në rrjetet sociale shfaqet si një kritike e Ramës, por në Kuvend bashkon votat me grupin socialist ku dhe ajo bën pjesë.

Por ndryshe nga dy të mësipërmimit, Ditmir Bushati, ish-ministri i Jashtëm i Ramës në një analizë, ka folur drejtpërdrejt, duke theksuar se ndryshimi në Serbi nga studentët ka sjellë shpresë dhe në Shqipëri për të njëjtën lëvizje. Sipas Bushatit, askush nuk mundet që ta ndalojë erën e ndryshimit në vendin tonë, pasi ajo buron nga solidariteti dhe guximi i një shoqërie që nuk ka më frikë të kundërshtoj.