Drita triumfon në derbi, Feronikeli 74 fiton bindshëm ndaj Dukagjinit

Drita ka shënuar fitore të rëndësishme në përballjen ndaj Prishtinës, duke i shkaktuar skuadrës kryeqytetase humbjen e parë në këtë edicion të AlbiMall Superligës. Gjilanasit kaluan në epërsi në minutën e 37-të, kur Blerim Krasniqi realizoi për 1:0. Drita e dyfishoi epërsinë në minutën e 62-të, pas një kundërsulmi të shpejtë, Liridon Balaj e dërgoi topin në rrjetë për 2:0, ndërsa rezultatin përfundimtar 3:0 e vulosi Kemehlo Nguena në minutën e 84-të. Kjo fitore e regjistroi Drita fitoren e gjashtë në kampionat, krahas dy barazimeve dhe dy humbjeve. Skuadra gjilanase ngrihet në pozitën e tretë me 20 pikë, ndërsa Prishtina mbetet e dyta me 23 pikë. Në krye të tabelës është Malisheva me 26 pikë.

Feronikeli 74 ka shënuar fitore bindëse në këtë edicion të AlbiMall Superligës, duke mposhtur Dukagjinin me rezultat 3:0. Vendasit kaluan në epërsi në minutën e 30-të me golin e Albin Prapashticës, ndërsa fillimi i pjesës së dytë solli dy gola të shpejtë për skuadrën e Drenasit. Noah Yannick shënoi për 2:0 në minutën e 47-të, kurse vetëm pak çaste më vonë, Prapashtica realizoi golin e tij të dytë personal dhe të tretin për Feronikelin 74. Kjo ishte fitorja e tretë e Feronikelit 74 në këtë edicion, që ka edhe dy barazime dhe gjashtë humbje. Me 11 pikë, skuadra nga Drenasi renditet në pozitën e tetë. Në anën tjetër, Dukagjini pësoi humbjen e dytë në kampionat, krahas katër fitoreve dhe pesë barazimeve. Skuadra klinase mbetet në pozitën e pestë me 17 pikë.