Ish-prokurori Karanxha: Protesta është një drejtë e qytetarëve, nuk është krim

Ish-prokurori Ervin Karanxha ka ngritur shqetësime për dhunën e ushtruar nga efektivët e policisë gjatë protestave studentore. Ai ka deklaruar se në prokurori janë regjistruar disa kallëzime për dëmtimet e protestuesve nga policia dhe se pamjet filmike dhe dokumentacioni mjekësor mund të shërbejnë si prova për nisjen e procedimeve penale ndaj efektivëve përgjegjës.

Karanxha ka theksuar se përdorimi i forcës nga policia duhet të jetë gjithmonë proporcional dhe çdo tejkalim i kompetencave duhet të hetohet. Ai ka denoncoi rastet kur qytetarët, edhe pasi janë shoqëruar dhe janë vënë nën kontroll nga policia, vijojnë të goditen nga efektivët.

Ish-prokurori ka paralajmëruar se paketa e re ligjore e paralajmëruar nga kryeministri Edi Rama nuk duhet të cenojë të drejtën kushtetuese të qytetarëve për të protestuar. Ai ka theksuar se çdo ndërhyrje në legjislacion duhet të respektojë Kushtetutën dhe vendimet e Gjykatës Kushtetuese.

Karanxha ka theksuar se tubimet janë një element thelbësor i një shoqërie demokratike dhe se organizimi i tyre nuk kërkon marrjen e lejes nga policia, por vetëm njoftimin e autoriteteve sipas ligjit. Ai ka deklaruar se protesta është një drejtë e qytetarëve dhe nuk është krim.