Flick pranon zhgënjimin pas El Clásicos: “Dy humbje janë shumë, sidomos ndaj Real Madridit”

Trajneri i Barcelonës, Hansi Flick, pranoi hapur zhgënjimin pas humbjes 2-1 ndaj Real Madridit në El Clásico. Katalanasit i dhanë fund serisë prej nentë fitoreve radhazi në La Liga, ndërsa trajneri gjerman pranoi se skuadra nuk zhvilloi një pjesë të mirë dhe i mungoi freskia fizike në momentet vendimtare.

“Jame dy humbje dhe nuk jemi të lumtur. Jemi të zhgënjyer. Pjesa e pare nuk ishte e mirë, ndërsa u përmirësuam në të dytin, pasi rezultati ishte 1-1. Na mungoi freskia. Kjo ishte humbja jonë e pare në La Liga, pas nentë fitoreve radhazi. Humbjet janë pjesë e sportit. Duhej të analizohemi dhe të përmirësohemi”, deklaroi Flick.

Trajneri vlerësoi cilësinë e kundërshtarit, duke theksuar se Real Madridi u mbrojt mirë dhe shfrytëzoi momentet e tij. Megjithatë, ai nuk beson se kjo disfatë do të ndikojë te besimi i skuadrës.

“Nuk mendoj se kjo humbje do të krijojë dyshime brenda ekipit. Të gjithë e dinë situatën. Nuk luajtëm në nivelin tonë më të mirë, por në ndeshjet e medha janë detajet ato që vendosin rezultatin”, u shpreh trajneri gjerman.

Flick pranoi se dy humbjet e fundit janë shumë për të dhe për tifozët e Barcelonës, veçanërisht kur njëra prej tyre vjen në përballjen me rivalin historik. Megjithatë, ai theksoi se nuk kërkon justifikime, edhe pse ngarkesa e ndeshjeve dhe udhëtimet e fundit kanë ndikuar në gjendjen fizike të lojtarëve.

“Dy humbje janë shumë për mua dhe për të gjithë tifozët e Barcelonës. Sidomos një humbje në El Clásico. Nuk duam të humbasim. Sot nuk ishim të freskët dhe duhet ta ndryshojmë këtë. Por nuk do të pranoj justifikime”, tha ai.

Një tjetër shqetësim për Barcelonën mbetet situata në mbrojtje, ku dëmtimet kanë kufizuar alternativat e trajnerit. Flick la të hapur mundësinë për të aktivizuar futbollistët nga akademia La Masia, ndërsa shpreson që disa prej lojtarëve të dëmtuar të rikthehen në dispozicion në ditët e ardhshme.

Pavarësisht zhgënjimit, trajneri kërkon që skuadra të reagojë menjëherë. Me tri ndeshje të mbetura deri në pushimin e radhës, objektivi i tij është i qartë: të rikthehet te fitoret dhe të luftojë për çdo trofe.

“Dua të fitoj çdo ndeshje dhe çdo titull”, përfundoi Flick.