Kancelari Merz uron Lula da Silvën në rizgjedhjen e tij si president, Berlini kërkon thellimin e partneritetit strategjik me Brazilin

Kancelari gjerman, Friedrich Merz, ka uruar Luiz Inácio Lula da Silvën për rizgjedhjen e tij si president i Brazilit, duke shprehur gatishmërinë për të thelluar më tej marrëdhëniet strategjike mes dy vendeve.

Përmes një mesazhi të publikuar në platformën sociale “X”, Merz vlerësoi procesin demokratik në Brazil dhe përgëzoi presidentin Lula da Silva për fitoren.

“Brazili, demokracia më e madhe në Amerikën Latine, ka votuar. E përgëzoj fituesin, Lula da Silva, dhe pres me padurim thellimin e mëtejshëm të partneritetit strategjik midis Gjermanisë dhe Brazilit”, shkroi kancelari gjerman.

Mesazhi i Merz nënvizon synimin për të forcuar bashkëpunimin mes Berlinit dhe Brazilias, në kuadër të partneritetit strategjik që lidh dy vendet.