Barça futet në krizë për mbrojtjen, Xavi Espart jashtë fushave për 7 javë

Futbollistët e Barçës po kalonin një periudhë të vështirë, jo vetëm për shkak të humbjeve ndaj PSG-së dhe Real Madridit, por edhe për dëmtimet e shumta në mbrojtje. Xavi Espart do të qëndrojë jashtë fushave për rreth 7 javë, pas një dëmtimi në këmbë të djathtë gjatë El Clasico-s, të humbur 2-1 nga katalanasit. Mbrojtësi 19-vjeçar u zëvendësua në minutën e 30-të nga Alejandro Balde. Mungesa e tij rëndon më tej situatën për trajnerin Hansi Flick, i cili nuk ka në dispozicion as Eric Garcian, Andreas Christensen dhe Jules Koundé. Problemet në prapavijë kanë detyruar trajnerin gjerman të improvizojë në formacion, ndërsa Barcelona kërkon të rikthehet te rezultatet pozitive pas dy humbjeve radhazi ndaj PSG-së dhe Real Madridit. Megjithatë, Flick pret të ketë shpejti një alternativë më shumë, pasi francezi që ishte në garë për një vend në skuadrën për El Clasico-n mund të rikthehet në dispozicion, pasi nuk u konsiderua plotësisht i gatshëm për këtë sfidë.