Kongresi amerikan paralajmëron pasoja ligjore për importin e naftës ruse

Në një letër drejtuar drejtuesve të bankave të mëdha amerikane, përfshirë JPMorgan Chase dhe Bank of America, si dhe autoriteteve të disa porteve kryesore, gjashtë senatorë dhe një ligjvënës demokrat kanë kërkuar vëmendje të veçantë ndaj çdo operacioni që lidhet me importimin e naftës ruse. Mes nënshkruesve është edhe senatori republikan Tom Tillis.

Sipas raportimeve nga mediat e huaja, paralajmërimi vjen pas një marrëveshjeje të raportuar mes presidentit amerikan Donald Trump dhe presidentit rus Vladimir Putin, që synon furnizimin e tregjeve amerikane dhe ndërkombëtare me sasi të mëdha naftë ruse. Ndërkohë, është bërë e ditur se një cisternë me naftë ruse është nisur drejt Nju Jorkut.

Ligjvënësit kanë argumentuar se legjislacioni amerikan vendos kufizime ndaj importit të naftës ruse, të cilat mund të hiqen vetëm nëse administrata përbushon disa kushte të paracaktuara nga Kongresi. Këto kushte përfshijnë përfundimin e armiqësive ushtarake të Rusisë në Ukrainë, mungesën e një kërkesë të menjëhershme ushtarake ndaj vendeve anëtare të NATO-s dhe njohjen e së drejtës së ukrainasve për të zgjedhur qeverinë e tyre.

Ligji parashikon gjithashtu një proces shqyrtimi nga Kongresi për çdo lehtësim të sanksioneve që ndryshon ndjeshëm politikën e jashtme amerikane ndaj Rusisë. Sipas ligjvënësve, këto kërkesa nuk janë përbushur. Ata paralajmërojnë se importet e mundshme mund të bëhen objekt i hetimeve parlamentare dhe procedurave ligjore, duke vënë në pyetje ligjshmërinë e marrëveshjeve të tillë.

Kundërshtaret e importit argumentojnë se rikthimi i naftës ruse në tregun amerikan mund të dobesojë presionin ekonomik ndaj Moskës dhe të demtojë interesat strategjike të Shteteve të Bashkuara. Sipas tyre, lejimi i Rusisë për të shitur më lirshëm naftën në tregjet ndërkombëtare do të siguronte Moskës të ardhura shtesë, ndërsa Ukraina vazhdon të përballet me pasojat e luftës.