Diplomaci intensive në Teheran për të shmangur një luftë të re në Lindjen e Mesme
Arabia Saudite, Turqia dhe Pakistan po zhvillojnë takime me zyrtarë iranianë për të parandaluar një përshkallëzim të ri ushtarak mes Iranit, Shteteve të Bashkuara dhe Izraelit.
Përfaqësues të lartë të sigurisë dhe mbrojtjes nga të tre vendet po zhvillojnë takime me zyrtarë iranianë në Teheran, në një kohë kur tensionet në Lindjen e Mesme mbeten të larta dhe shtohen shqetësimet për përhapjen e konfliktit në rajon.
Sipas raportimeve nga mediat e huaja, në bisedime pritet të marrin pjesë ministri saudit i Mbrojtjes, princi Khalid bin Salman, shefi i ushtrisë pakistaneze, gjenerali Asim Munir, dhe drejtori i inteligjencës turke, Ibrahim Kalin. Një nga çështjet kryesore është mundësia e arritjes së një mirekuptimi mes Teheranit dhe Washingtonit, si dhe ndalimi i sulmeve të rebelëve Huthi ndaj infrastrukturës saudite.
Presidenti iranian, Masoud Pezeshkian, ka bërë thirrje vendeve myslimane të forcojnë bashkëpunimin përballë asaj që e cilëson si agresion amerikan dhe izraelit. Ai deklaroi se Teherani është i gatshëm të mbështesë nismat që promovojnë sigurinë dhe zhvillimin rajonal, ndërsa perseritja se Irani nuk synon të prodhojë armë bërthamore, por kërkon të ruajë të drejten për përdorimin paqësor të energjisë bërthamore.
Përleshjet diplomatike zhvillohen në një moment shqetësues për sigurinë rajonale, ndërsa Shtetet e Bashkuara po shtojnë praninë e tyre ushtarake në Lindjen e Mesme dhe ndërmesitë e Katarit po përpiqen të gjejnë një zgjidhje për rihapjen e Ngushticës së Hormuzit. Kjo rrugë ujore ka rëndësi strategjike për tregtinë globale të energjisë, ndërsa çdo ndërprerje e lundrimit mund të ketë pasoja të mëdha ekonomike.