"Topi i Artë" 2026: Kane, Yamal dhe Mbappé në garë për trofeun e madh

Ceremonia e 70-të e Ballon d'Or do të zhvillohet sot në teatrin London Palladium në kryeqytetin britanik. Për herë të parë në historinë e këtij çmimit, organizatorët kanë zgjedhur Londrën për të pritur një nga ngjarjet më rëndësishme të futbollit botëror.

Sipas UEFA-s, ceremonia do të fillojë në orën 20:00 me orën lokale të Londrës, që korrespondon me orën 21:00 në Shqipëri. Ish-futbollisti francez Thierry Henry dhe prezantuesja sportive Kate Scott do të drejtojnë mbrëmjen.

Zgjedhja e Londrës lidhet me 70-vjetorin e krijimit të çmimit dhe përbejnë një homazh për legjendën angleze Stanley Matthews, fituesin e parë të Topit të Artë në vitin 1956.

Gara për Topin e Artë në kategorinë e meshkujve përfshin disa prej futbollistëve më të spikatur të sezonit 2025-2026. Sulmuesi anglez Harry Kane hyn në këtë garë pas një sezoni me paraqitje të rëndësishme me Bayern Munich dhe kombëtaren angleze. Përballë tij janë talenti spanjoll Lamine Yamal, i cili ka spikatur me Barcelonën dhe Spanjën, si dhe sulmuesi francez Kylian Mbappé, një nga emrat kryesorë të Real Madridit.

Në listën e kandidatëve bëjnë pjesë edhe Jude Bellingham, Erling Haaland, Ousmane Dembélé dhe futbollistë të tjerë që kanë dhënë kontribut të rëndësishëm për klubet dhe kombëtaret e tyre. Fituesi do të përcaktuar nga votimi i juristëve ndërkombëtarë, i cili vlerëson paraqitjet individuale, arritjet kolektive dhe kriteret e tjera të percaktuara nga organizatorët.

Gjatë mbrëmjes do të ndahen gjithsej 13 çmime, që përfshijnë Topin e Artë për meshkuj dhe femra, çmimet për talentet e rinj, portierët, golashënuesit dhe trajnerët më të mirë, si dhe vlerësimet për klubet më të suksesshme. Vëmendje të veçantë do të marrin Trofeu Kopa për talentet nën 21 vjeç, Trofeu Yashin për portierët dhe Trofeu Johan Cruyff për trajnerët.

Ndërkohë, Çmimi Sócrates do të vlerësojë kontributin në nisma sociale, humanitare dhe solidaritet. Në kategorinë e femrave, ceremonia do të përcaktojë edhe pasuesen e Aitana Bonmatí, ndërsa te meshkujt do të mësohet se kush do të marrë çmimin që në vitin 2025 e fitoi Ousmane Dembélé.

Organizatorët, France Football dhe UEFA, synojnë që edicioni i 70-të të shënonte një moment të veçantë në historinë e Topit të Artë, duke bashkuar në Londër emrat kryesorë të futbollit ndërkombëtar.