Frymëzim nga modeli serb, por kodi zgjedhor dhe klasa aktuale janë pengesë për një lëvizje studentore në Shqipëri

Studentët shqiptarë po angazhohen për të formuar një lëvizje studentore kombëtare, duke frymëzuar nga fitorja e lëvizjes studentore në Serbi. Studentët shqiptarë po angazhohen për të formuar një lëvizje studentore kombëtare, duke frymëzuar nga fitorja e lëvizjes studentore në Serbi. Frymëzimi nga modeli serb është i qartë, por kodi zgjedhor dhe klasa aktuale janë pengesë për një lëvizje të tillë.

Studentët shqiptarë po angazhohen për të formuar një lëvizje studentore kombëtare, duke frymëzuar nga fitorja e lëvizjes studentore në Serbi. Frymëzimi nga modeli serb është i qartë, por kodi zgjedhor dhe klasa aktuale janë pengesë për një lëvizje të tillë.

Profesorët dhe intelektualët po ndajnë të njëjtën ide me studentët për një front të ri beteje me mazhorancën dhe opozitën: një rini që konkurron politikisht. “Unë mendoj që është e domosdoshme një forcë politike studentore ku të ketë si dritën e diellit një bosht qëndror: klasa e vjetër duhet të përjashtohet. Në përbërje të saj duhet të ketë studentë, pedagogë, mësues, çdo njeri që ka duar të pastra dhe faqebardhë. Pjesa e ndyrë e partive të marksizëm-leninizimit duhet të pastrohet. Nuk e pastruan në vitin 1990, shiko ku jemi edhe pas 36 vitesh. Nëse nuk e pastrojmë edhe këtë herë, do i shtyhet Shqipërisë e ardhmja edhe për 100 vite të tjera dhe do jetë shpresë e humbur për të jetuar në këtë vend”, tha pedagogu Lush Susaj.

Megjithatë, ngërçi i të rinjve është Kodi Zgjedhor që favorizon dy partitë e mëdha me peshën kryesore në Parlament. Studentët besojnë se ashtu siç studentët sfiduan Vuçiçin, me anë të një alternative politike në të njëjtën mënyrë do të mund të rrëzojnë Ramën. “Duke ditur që Kodi ynë Zgjedhor nuk të lë shumë hapësira siç mund të aplikohej në Serbi për shembull pjesa e listës studentore, ku në Shqipëri është e detyrueshme që të kemi një parti politike ose mund të zgjedhësh kandidatë të pavarur për deputetë, por që ndoshta mund të mos jetë zgjidhja më e mirë e duhur. Është diçka që duhet parë, padyshim që studentët janë duke punuar aktualisht me një lëvizje kombëtare studentore”, tha Mateo Yskollari.