Shqipëria U-21 do të luajë me Luksemburgun në “Air Albania”
Kampionati Evropian U-21 2027 do të zhvillohet në Shqipëri dhe Mal të Zi. Shqipëria është një nga vendet organizatore të turneut.
Federata Shqiptare e Futbollit ka arritur marrëveshjen me Federatën e Futbollit të Luksemburgut për të zhvilluar një ndeshje miqësore mes Kombëtares U-21 dhe Luksemburgut U-21. Ndeshja do të zhvillohet më 13 nëntor në orën 19:00 në stadiumin "Air Albania". Kjo ndeshje do të jetë pjesë e programit të përgatitjeve të kuqezinjve për Kampionatin Evropian U-21 2027, të cilin Shqipëria e ka garantuar pjesëmarrjen në fazën finale.
Ndeshjet miqësore do të shërbejnë stafit teknik për të vijuar punën me skuadrën dhe për të përgatitur sa më mirë ekipin për sfidën evropiane. Sot, FSHF po punon për të finalizuar marrëveshjen për të zhvilluar një tjetër ndeshje miqësore gjatë muajit nëntor, e cila do të zyrtarizohet shpejt.