Jordania godet me sulme ajrore objektiva në Sirinë jugore

Jordania ka ndërmarrë sulme ajrore në jug të Sirisë, duke shënjestruar pozicione që konsiderohet se janë strehime të grupeve terroriste. Autoritetet jordaneze kanë njoftuar se operacioni u zhvillua pas dyshimeve për lidhje të këtyre grupeve me sulmin e përgjakshëm ndaj një kishe ortodokse greke në fshatin Hammoud, ku humbën jetën nëntë persona dhe u plagosën 34 të tjerë. Sipas raportimeve, gjatë operacionit, avionet luftarakë goditën pozicionet e dyshuara, ndërsa raportohet se disa pjesëtarë të grupeve të armatosura u vrarë ose u plagosën. Ndërkohë, autoritetet jordaneze kanë njoftuar edhe arrestimin e tre personave që dyshohen si autorë të sulmit ndaj kishes. Deri më tani, pala siriane nuk ka dhënë një reagim zyrtar dhe mbetet e paqartë nëse operacioni ajror është kryer në koordinim me Damaskun.