"Politikanët nuk dinë të lexojnë, vetëm një ka marrë leksione për gjuhën e trupit"

Gazetari dhe psikologu, Foni Ilia, i ftuar në emisionin “Top Story” me Grida Dumën u shpreh se politikanët që shkojnë së samite, gjuha e trupit të tyre është për t’u qarë hallin. Sipas tij, vetëm një politikan ka shkuar tek ai që të marrë mësime për gjuhën e trupit. Sipas tij, ai mësoi se si të ndërronte kostumin, me çfarë ngjyre. “Gjuhët e huaja janë një armë e fuqishme. Por sa e pasur është ajo gjuhë, tjetër histori. Në samite shikojmë dhe gjuhën e trupin që është për të qarë hallin. Të mënyra se si vendosin këmbën. Janë gjëra të thjeshta, por njerëzit nuk janë budallenj, na shikojnë se si qëndrojmë, me sa gëzim dhe me hidhërim e themi një gjë. Vetëm një politikan ka ardhur për të marrë mësime për gjuhën e trupit. Mësoi të ndërronte konsumin, me këtë ngjyrë, erdhi për të mësuar”, tha gazetari. I pyetur se sa shpejt u përmirësua, psikologu u përgjigj: “Ai kishte dëshirë, aq sa mundej. Janë gjëra që vijnë me ngadalësi”. Sipas tij, ka edhe nga ata që nuk dinë të lexojnë. “Ua kanë dhënë të shkruar, nuk dinë ku qëndron presja dhe pika, e ju më flisni për gjuhë të huaja”, përfundoi Foni Ilia.