Tradhtia e futbollistit të Romës: Bashkëshortja e tij e denoncon publikisht në rrjetet sociale

Bashkëshortja e futbollistit të Romës, Wesley, ka zgjedhur rrjetet sociale për të thyer heshtjen dhe për të denoncuar publikisht tradhtitë e njëpasnjëshme të bashkëshortit të saj, megjithëse çifti prej kohësh është i ndarë. Nëpërmjet një seri postimesh në rrjetet sociale, ku ajo ka ndarë detaje të forta nga martesa e tyre dhe provat që ka zbuluar, Amanda ka treguar kalvarin e vuajtjeve që ka hequr, duke përfshirë edhe periudhën e shtatzënisë.

«Unë dhe ai jemi të ndarë sot, kështu që ai mund të bëjë çfarë të dojë, nuk më intereson nëse po argëtohet. Por kur më kishte borxh, ai nuk më respektoi aspak. Nuk më tradhtoi një ose dy herë, por disa herë, dhe jo me një, por me disa vajza, përfshirë edhe prostituta», shprehet ajo ndër të tjera.

Martins ka pohuar se nuk bëhet fjalë për thashetheme, por për fakte që ajo i ka parë me sytë e saj pasi ka pasur qasje në telefonin e futbollistit. «Kisha qasje në telefonin e tij dhe pashë gjithçka. Gjatë atyre takimeve ai bënte foto dhe i filmonte, ndaj vendosa t’i ruaja në telefonin tim. Edhe në ato momente, ai mbante veshur unazën e martesës, duke treguar mungesë totale respekti», tregon Amanda. Ajo shton gjithashtu se futbollisti i ishte betuar në Zot dhe në vajzën e tyre kur ajo e kishte pyetur fillimisht, ndërsa vetë ajo ishte përpjekur ta falte dhe të shpëtonte familjen, edhe pse tradhtitë kishin ndodhur që në kohën e shtatzënisë së saj.

Rrëfimi i Amandës zbulon gjithashtu detaje të rënda rreth sjelljes së lojtarit në vende publike, si në bare apo restorante, ku sipas saj ai ngacmonte gra të tjera madje edhe në sy të saj, apo kur ishte nën efektin e alkoolit. Kjo situatë ka lënë pasoja të rënda në shëndetin e saj mendor, duke i shkaktuar kriza ankthi që nuk i kishte përjetuar kurrë më parë dhe duke e çuar deri në pikën e izolimit nga frika e daljes jashtë.