TVSH 6% për ushqimet, 10% për turizmin, rritet norma e përgjithshme deri në 21%
Qeveria propozon që TVSH-ja për ushqimet të ulët nga 20% në 6%, duke përfshirë produkte të shportës ushqimore, si buka dhe mielli, qumeshti dhe kos natyral, vezët, orizi, makaronat, vaji ushqimor, mish, peshku baze, fruta dhe perime të freskëta, bishtajoret, sheqeri dhe ushqimet bazë për foshnja. Ndryshimet janë propozuar në projektligjin "Për disa ndryshime në ligjin për tatimin mbi vlerën e shtuar në Republikën e Shqipërisë".
Paketa fiskale 2027 propozon që TVSH-ja për ushqimet të ulët nga 20% në 6%. Kjo do të përfshijë produkte të shportës ushqimore, si buka dhe mielli, qumeshti dhe kos natyral, vezët, orizi, makaronat, vaji ushqimor, mish, peshku baze, fruta dhe perime të freskëta, bishtajoret, sheqeri dhe ushqimet bazë për foshnja. Lista e detajuar e produkteve që do të përfshihen në norma të reduktuar do të përcaktohet me vendim të Këshillit të Ministrave.
Ndryshimet synojnë uljen e çmimeve të produkteve ushqimore, një kërkesë e vazhdueshme e prodhuesve vendas të mallrave të konsumit dhe importuesve. Ndryshimet janë propozuar në projektligjin "Për disa ndryshime në ligjin për tatimin mbi vlerën e shtuar në Republikën e Shqipërisë".
Rritja e shkallës standarde të TVSH-së nga 20% në 21% do të balancojë efektin negativ në ardhurat buxhetore si rrjedhojë e aplikimit të shkallës së reduktuar të TVSH-së për produktet ushqimore bazë. Kjo do të mundësojë bazë të qëndrueshme të të ardhurave publike për të përballuar detyrimet buxhetore dhe për të mbështetur financimin e shërbimeve publike, investimeve dhe prioriteteve të zhvillimit ekonomik.
Ndryshime parashikohen edhe për sektorin e turizmit, ku norma e TVSH-së propozohet të rritet nga 6% në 10%. Prej vitit 2017, sektorin e turizmit aplikohet norma e reduktuar e TVSH-së prej 6%.
Miratimi dhe zbatimi i këtij projektligji parashikohet të sjellë efekte financiare negative në buxhetin e shtetit, konkretisht rreth 1,6 miliardë lekë. Efekti nga rritja e shkallës standarde të TVSH-së në 21% vlerësohet pozitiv, rreth 10,6 miliardë lekë. Efekti nga ulja e shkallës së TVSH-së për produktet e shportës në 6% vlerësohet negativ, rreth 12,8 miliardë lekë. Ndërsa, efekti nga rritja e shkallës së reduktuar të TVSH-së për sektorin e turizmit në 10% vlerësohet pozitiv, rreth 614 milionë lekë.
Kontabilistët pohojnë për Monitor se rritja e përgjithshme e TVSH do të prekë shumë sektorë, përfshirë transportin, të materialeve të ndërtimit dhe të turizmit.