Harry Kane dedikim bashkëshortes: Ky çmim është edhe për ty, ia dolëm!

Harry Kane ka fituar Topin e Artë 2026 dhe ka shprehur emocione të mëdha në ceremoninë e përcjelljes së çmimit. Sulmuesi anglez, i cili u vlerësua pas një sezoni të jashtëzakonshëm me Bayern Munich, nuk i fshehu emocionet gjatë fjalimit të tij në ceremoninë e zhvilluar në Londër.

"Jam pa fjalë. Të jem këtu është diçka e vlefshme dhe jam shumë i krenar. Dua të falënderoj të gjithë klubin, sepse më ka ndihmuar të rritem si lojtar dhe si njeri. Shpresoj të jem një shembull për ata që endërrojnë të bëhen më të mirë", u shpreh Kane.

Sulmuesi anglez shprehu mirënjohjen edhe për trajnerët që kanë ndikuar në karrierën e tij, mes tyre Vincent Kompany, Antonio Conte dhe José Mourinho.

Duke folur për rendesinë e këtij vlerësimi, Kane theksoi se sezoni i fundit ka qenë më i mirë në karrierën e tij, si në aspektin individual, ashtu edhe në atë kolektiv.

"Është e pabesueshme ta fitosh këtë çmim, por është edhe më e vlefshme ta marrësh në Londër. Ky ishte sezoni më i mirë i jetës sime, si personalisht, ashtu edhe për ekipin", tha ai.

Megjithatë, momenti më emocionues i fjalimit erdhi kur Kane iu drejtua bashkëshortes së tij, duke i kushtuar një mesazh të vlefshëm për mbështetjen që i ka dhënë në vite.

"Ky çmim është edhe për ty. Po, ia dolëm mbanë!", tha Kane.

Me këtë dedikim, sulmuesi anglez e mbylli një nga mbrëmjet më të rendesishme të karrierës, duke ndarë suksesin individual me njerëzit që e kanë mbështetur gjatë rrugësimit të tij në futboll.