Sofra e gurtë sërish para Kryeministrisë, Rama këmbëngul për dialog me studentët

Përpara godinës së Kryeministrit është vendosur sërish sofra e gurtë, mbi të cilën janë lënë disa ftesa me mbishkrimin “Dialog”, si një përpjekje e kryetarit të qeverisë për t’i ulur protestuesit në tryezën e bisedimeve.

Pavarësisht refuzimeve të njëpasnjëshme nga studentët, Kryeministri Edi Rama ka përsëritur edhe këto të mëtutjeshme ftesa për dialog, ndërkohë që protestat kundër qeverisë vijnë prej më shumë se dy javësh.

Megjithatë, as ftesat e përsëritura për dialog dhe as paralajmërimet për ndëshkime nuk kanë sjellë tërheqjen e studentëve, të cilët vijnë protesta duke kërkuar dorëheqjen e Kryeministrit Edi Rama.

Nga ana tjetër, Kryeministri ka refuzuar me çdo kush kërkesën për dorëheqjen e tij, duke theksuar se nuk do të largohet dhe se e vetmja rrugëzgjidhje sipas tij është dialogu.

Ndërkohë, Rama ka ashpërshuar qëndrimin ndaj protestuesve, duke paralajmëruar pasoja penale dhe financiare për personat e përfshirë në aktet e dhunës gjatë tubimeve.

Kreu i qeverisë ka prezantuar gjithashtu një paketë të re anti-dhunë, e cila parashikon ashpërshimin e dënimeve për protestuesit që përfshihen në incidente. Sipas propozimeve të prezantuara, masat mund të prekin edhe pjesëmarrësit që nuk ushtrojnë dhunë drejtpërdrejt, por që bëhen pjesë e tubimeve ku regjistrohen akte të dhunshme.

Prej më shumë se dy javësh, të rinjtë kanë dalë çdo ditë në rrugët e Tiranës, ndërsa protesta është shtrirë edhe në qytete të tjera të vendit. Tubimet janë shoqëruar me tensione, përplasje fizike mes protestuesve dhe forcave të policisë, përdorim të gazit lotsjellës dhe ujit me presion, si dhe me dhjetëra persona të lënë dhe të arrestuar.

Studentët kanë paralajmëruar se nuk do të ndalin revoltën deri në përfundimin e kërkesave të tyre.