Trump: Zgjedhjet në Brazil dukeshin si të manipuluara

Presidenti amerikan Donald Trump ka shprehur dyshimet e tij se zgjedhjet në Brazil, duke thënë se “duken si zgjedhje të manipuluara”. I pyetur nga një gazetar në lidhje me humbjen e djalit të aleatit të tij dhe ish presidentit, Jair Bolsonaro, i cili e kishte mbështetur fuqimisht Trumpin, presidenti amerikan tha se zgjedhjet “më dukeshin sikur ishin diçka e tmerrshme. Sinqerisht, dukeshin si zgjedhje të manipuluara”. “Unë nuk mora një qëndrim në favor të njërës ose tjetrës, por më dukej e tmerrshme”, shtoi ai. “Unë nuk qeveris Brazilin, por Shtetet e Bashkuara. Më pëlqen Lula, shkoj shumë mirë me të, por zgjatja e orarit që iu dha ishte shumë e çuditshme”, tha Trump. “E dini, zgjedhjet duhet të jenë të pakontestueshme. Më dukeshin shumë keq. Nuk mora një qëndrim. Nuk mbështeta askënd ose asgjë, por i pashë zgjedhjet. Dukeshin kaq të korruptuara dhe kaq të tmerrshme”, tha ai. Presidenti amerikan po i referohej zgjatjes së votimit me dy orë, një vendim mjaft i paprecedentë në historinë e vendit.