Ish-juristi i Kadastrës Fier, ndaluar për shpërdorim detyre
Ish-juristi i Kadastrës Fier, H.Z., është ndaluar pasi u akuzua për shpërdorim detyre në disa raste. Gjykata e Shkallës së Pare e Juridiksionit të Përgjithshëm Fier i kishte caktuar masën e sigurisë "Arrest në burg" për veprën penale "Shpërdorimi i detyrës".
Ditën e sotme, operacioni "Stolen Land" ka vazhduar në Fier, ku ish-juristi i Kadastrës Fier, H.Z., është ndaluar. Specialistët e Seksionit për Hetimin e Krimeve Ekonomike dhe Financiare e kanë ndaluar shtetasin H.Z., 56 vjeç, banues në Fier, i cili ishte shpallur në kërkim në kuadër të operacionit "Stolen Land", i zhvilluar disa javë më parë.
Ky shtetas ishte shpallur në kërkim pasi Gjykata e Shkallës së Pare e Juridiksionit të Përgjithshëm Fier, me vendimin e datës 17.09.2026, i kishte caktuar masën e sigurisë "Arrest në burg", për veprën penale "Shpërdorimi i detyrës", në disa raste.
Shtetasi H.Z. akuzohet se ka shpërdoruar në disa raste, detyrën si jurist në AShK Fier. Materialet procedurale i kaluan Prokurorisë pranë Gjykatës së Shkallës së Pare të Juridiksionit të Përgjithshëm Fier, për veprime të mëtejshme.