Raporti i KLSH për qarkullimin rrugor në Tiranë: Rreth gjysma e kamerave jashtë funksionit edhe para nisjes së protestave

Raporti i fundit i auditimit të Kontrollit të Lartë të Shtetit për qarkullimin rrugor në Bashkinë e Tiranës, publikuar dje, thekson se më shumë se gjysma e kamerave të monitorimit në rrugët e kryeqytetit nuk funksiononte edhe para ditimeve të fundit gjatë protestave. Sipas auditimit, më shumë se gjysma e kamerave të monitorimit nuk transmetonte pamje, një pjesë e semaforëve nuk ishin të integruar në sistemin qendror, ndërsa investimet për përmirësimin e transportit dhe qarkullimit rrugor kanë mbetur ndjeshëm larg planeve.

Auditimi konstatoi se platforma qendrore për shfaqjen e njëkohshme të pamjeve nuk funksiononte. Operatorët i monitoronin kamerat individualisht në kompjuter, ndërsa 10 semaforë nuk ishin integruar në sistemin qendror. Shpenzimet e programit të transportit publik në Bashkinë e Tiranës u rritën nga 325 milionë lekë në vitin 2023 në 1.53 miliardë lekë në vitin 2025. Megjithatë, pjesa e drejtmuese e fondeve është përdorur për subvencione dhe rimbursime, përfshirë abonimet e studentëve dhe pensionistëve. Investimet përpinin 13% të shpenzimeve të programit në vitin 2023 dhe 30% në vitin 2024, por realizimi i tyre ishte zero. Në vitin 2025, investimet zinin vetëm 4% të shpenzimeve dhe u realizuan në masën rreth 2%.