Paqja në Ukrainë, zbulohen detaje nga telefonata e Putinit me liderët e Finlandës dhe Norvegjisë

Presidenti i Finlandës, Alexander Stubb, dhe kryeministri i Norvegjisë, Jonas Gahr Store, kanë zhvilluar një bisedë telefonike me presidentin rus Vladimir Putin për të dhënë fund konfliktit në Ukrainë. Njoftimi është bërë nga zyra e presidentit të Finlandës, ndërsa Stubb e ka përshkruar komunikimin si "të sinqertë dhe thelbësore".

Stubb ka theksuar se mënyra se si do të përfundojë konflikti në Ukrainë ka rëndësi të veçante për sigurinë e vendeve nordike, por edhe për stabilitetin e të gjithë kontinentit evropian. "Ne jemi vende fqinje me Rusinë. Përfundimi i kësaj lufte do të ketë ndikim të drejtpërdrejtë në sigurinë tonë, por edhe në sigurinë të gjithë evropiane. Përfundimi i luftës kërkon bisedime të drejtpërdrejta", deklaroi Stubb.

Nga ana e tij, zëdhënësi i Kremlinit, Dmitry Peskov, u shpreh se Rusia i sheh Finlandën dhe Norvegjinë si pjesëmarrës të rinj në përpjekjet diplomatike për zgjidhjen e konfliktit. Sipas Peskov, Moska do të shqyrtojë mundësinë që këto dy vende të luajnë një rol në procesin e negociatave për përfundimin e luftës.

Ndërkohë, këshilltari i Kremlinit, Yuri Ushakov, bëri të ditur se Rusia mbetet "në parim të gatshme" për të vazhduar bisedimet trepalëshe me Shtetet e Bashkuara të Amerikës dhe Ukrainës. Megjithatë, pavarësisht sinjaleve për vijimin e dialogut diplomatik, ende nuk ka tregues të qartë se presidenti rus Vladimir Putin është i gatshëm të takohet drejtpërdrejt me homologun e tij ukrainas, Volodymyr Zelensky.