Kaosi te Manchester United, klubi merr vendimin për të ardhmen e Michael Carrick

Drejtuesit e Manchester United kanë vendosur të japin trajnerit Michael Carrick një tjetër mundësi për të ndryshuar situatën e skuadrës, që është në një krizë. Pavarësisht rezultateve negative dhe presionit në rritje, klubi ka zgjedhur të mos bëjë një ndryshim të menjëhershëm dhe t’i japë Carrick mundësinë të tregojë se mund ta nxjerrë skuadrën nga kriza.

Carrick do të vijojë të jetë në krye të Manchester United, të paktën për ndeshjen e ardhshme në Premier League ndaj Chelsea, që do të luhet të shtunën. Sipas raportimeve të mediave angleze, burime pranë Manchester United bëjnë me dije se Carrick do të ketë mundësinë të rikthejë skuadrën te rezultatet pozitive, edhe pse ekipi ka regjistruar tetë ndeshje pa fitore dhe ndodhet në vendin e 16-të të renditjes.

Trajneri u paraqit në qendrën stërvitore të Carringtonit në orën 07:30 të së martës, për të drejtuar seancën stërvitore të skuadrës. Pas pushimit të së hënës, lojtarët janë rikthyer në stërvitje për t’u përgatitur për sfidën e rëndësishme ndaj Chelsea-t.

Ndërkohë, drejtuesit e klubit po shqyrtojnë edhe alternativa të mundshme për stolin, por ende nuk duket se kanë bindjen e plotë për emrat që janë përmendur si kandidatë. Mes tyre janë Antonio Conte, Eddie Howe dhe Julian Nagelsmann.