Mbappe kërkon ndjesë Kinës për një frazë të thënë për Mao Zedong

Kylian Mbappe, kapiteni i përfaqësueses franceze, kërkon ndjesë për një frazë të thënë për Mao Zedong gjatë një interviste të ditëve të fundit. Mbappe e përkufizoi Mao Zedong si diktator dhe tani 27 vjeçari shprehet se i vjen keq për çfarë kishte thënë dhe se komenti i tij ishte i pavend. Mbappe i kërkon ndjesë të gjithëve që mbetën të fyer nga fjalët e tij dhe shpreh respekt të thellë për popullin kinez dhe historinë e tij.

Ndërkaq, edhe La Liga në Spanjë ka reaguar ndaj kësaj ngjarjeje duke i dalë kundër yllit të Realit të Madridit. Presidenti i La Ligës, Javier Tebas, shpreh keqardhjen e thellë për deklaratat e Mbappe dhe kërkon ndjesën më të sinqertë popullit kinez. La Liga dhe kompanitë e saj kanë ndërtuar një raport respekti, besimi dhe bashkëpunimi me Kinën për vite të tëra dhe nuk mund të lejojnë që një veprim individual të errësojë këtë raport dhe të dëmtojë mbi 20 klubet e kompeticioneve tona profesioniste dhe miliona tifozë kinezë.