Studentët protestojnë para Ministrisë së Arsimit: "Rama, jep dorëheqjen!"

Studentët kanë vendosur flakën kartonëve përpara godinës së Ministrisë së Arsimit si një shenjë ndaj keqqeverisjes. Ata shprehen se nuk negociojnë me kryeministrin, por se kërkojnë largimin e tij. Studentët kanë deklaruar se do të protestojnë në rrugët e Tiranës deri në rrëzimin e kryeministrit, që e akuzojnë për keqmenaxhim.

Protesta studentore ka vijuar me thirrjet "Rama, jep dorëheqjen!" Studentët dhe pedagogë të shumtë janë mbledhur përpara Ministrisë së Arsimit. Protesta është një pjesë e një lëvizjeje më të gjerë të protestave në Shqipëri, që kanë filluar në javën e fundit.