Studentët vazhdojnë protestat për dorëheqjen e Ramës

Studentët që protestojnë para Ministrisë së Arsimit në Tiranë deklarojnë se do të vazhdojnë protestat çdo ditë dhe natë deri në dorëheqjen e kryeministrit Edi Rama. Ata e cilësojnë qeverinë si diktaturë dhe iu referohen protestave studentore në Serbi, duke theksuar se ato tregojnë fuqinë e të rinjve dhe qytetarëve për të sjellë ndryshime politike.

“Protesta do të vazhdojë deri në dorëheqjen e Ramës. Jemi këtu çdo ditë, çdo natë, derisa të tërhiqet Rama. Kjo është diktaturë, diktatura e Ramës, por këtë gjë duhet ta kuptojnë edhe vetë komunistët, se po jetojmë në diktaturë. Ajo që ndodhi në Serbi tregon se forca e rinisë dhe e popullit mund të largojë një diktator. Ne jemi gati për çdo gjë. Nuk do të ndodhë kurrë dialog me Ramën. Nuk kemi dialog me të, përveç dorëheqjes së tij.”, tha një student.