Berisha: PD do ta anulojë paketën fiskale dhe do vendosë taksën e sheshtë 10% dhe TVSH-në 6%

Kryetari i Partisë Demokratike, Sali Berisha, ka akuzuar qeverinë se po rrit barrën fiskale për bizneset shqiptare, duke paralajmëruar falimentime dhe humbje të vendeve të punës. Në një videomesazh, Berisha deklaroi se paketa e paralajmëruar parashikon rritjen e taksës mbi dividentin nga 8% në 15%, tatimfitimit nga 15% në 17% dhe uljen e pragut të TVSH-së nga 10 në 5 milionë lekë. Berisha premtoi se kur PD të vijë në pushtet, do ta anulojë paketën dhe do të vendosë taksën e sheshtë 10%, do të rrisë pragun e TVSH-së në 15 milionë lekë dhe do ta ulë TVSH-në për ushqimet dhe mallrat bazë në 6%. Berisha ka akuzuar qeverinë për të njoftuar rritjen e taksave për bizneset shqiptare në një kohë kur euro dhe dollari kanë pësuar zhvlerësimin më të madh në botë. Ai ka thënë se kjo do të çojë në falimentim dhe shkatërrim të vendeve të punës dhe rritje të çmimeve për shqiptarët.