Panik elektoral në kampin e Netanyahut: Votuesit arabë dynden drejt kutive të votimit
Koalicioni qeverisës në Izrael ka shprehur shqetësim për pjesëmarrjen e lartë në zgjedhjet parlamentare, ndërsa partitë e djathta po përpiqen të mobilizojnë mbështetësit e tyre përpara mbylljes së qendrave të votimit.
Koalicioni qeverisës në Izrael ka shprehur shqetësim për pjesëmarrjen e lartë në zgjedhjet parlamentare, ndërsa partitë e djathta po përpiqen të mobilizojnë mbështetësit e tyre përpara mbylljes së qendrave të votimit. Partia në pushtet Likud, e kryeministrit Benjamin Netanyahu, ka paraqitur një kërkesë zyrtare Komisionit Qendror të Zgjedhjeve për zgjatjen e orarit të votimit, duke argumentuar se në disa qendra janë krijuar radhë të gjata.
Kërkesa është bashkuar edhe nga partia ultraortodokse Shas, e cila ka propozuar zgjatjen e procesit me një orë, për t'u munduar të gjithë qytetarëve që presin në radhë të ushtrojnë të drejtën e votës. Nisma vjen në një kohë kur drejtuesit e koalicionit qeverisë shprehin shqetësim se pjesëmarrja e lartë po regjistrohet kryesisht në zonat ku mbështetja për partitë e djathta dhe ato që përfaqësojnë qytetarët arabë është më e madhe.
Kreu i partisë Shas, Aryeh Deri, ka shprehur publikisht shqetësimin për mobilizimin e votuesve në zonat që tradicionalisht mbështesin partitë ultraortodokse dhe të djathta. "Jam shumë i shqetësuar për apatinë në bastionet ultraortodokse dhe të djathta", deklaroi Deri. Ai theksoi se pjesëmarrja e lartë në zonat e majta dhe në komunitetet arabe përben shqetësim për koalicionin. "Ka radhë shumë të gjata në qendrat e votimit në komunitetet beduine të Negevit dhe në Tel Aviv, ndërsa në kampin tonë vërehet një ndjenjë vetëkënaqësie", u shpreh ai.
Edhe kryeministri Benjamin Netanyahu u ka bërë thirrje mbështetësve të tij të marrin pjesë në votim, duke t'erhequr vëmendjen te mobilizimi i lartë i votuesve arabë. Pjesëmarrja arrin nivelin më të lartë që nga viti 1973. Sipas të dhënave zyrtare të cituara nga media greke, deri në orën 16:00 pjesëmarrja kishte arritur në 55,7%, niveli më i lartë për këto orë që nga fillimi i regjistrimit të të dhënave përkatës për zgjedhjet në vitin 1973. Vendimin për zgjatjen e orarit të votimit e merr kryetari i Komisionit Qendror të Zgjedhjeve, gjyqtari Noam Solberg. Ndërkohë, zëvendësdrejtori i përgjithshëm i Komisionit, Dean Livne, kishte sqaruar më herët se qendrat e votimit nuk do të ndërprisnin procesin në orën 22:00 për qytetarët që ndodheshin tashmë në radhë. Sipas tij, të gjithë votuesit që paraqiten brenda orarit zyrtar do të kenë mundësi të votojnë, pavarësisht kohës së nevojshme për përfundimin e procesit.