Pezeshkian: Lindja e Mesme mund t’i zgjidhë problemet pa SHBA-në

Presidenti iranian Masoud Pezeshkian ka deklaruar se vendet e Lindjes së Mesme janë të afta të zgjidhin vetë problemet e rajonit, pa u varur nga Shtetet e Bashkuara. Ai ka thënë se diskutoi me presidentin rus Vladimir Putin situatën në Lindjen e Mesme, duke e cilësuar atë si shqetësuese.

Pezeshkian ka theksuar rëndësinë e forcimit të bashkëpunimit mes Teheranit dhe Moskës në fushat politike, ekonomike, ushtarake, shkencore dhe kulturore. Nga ana e tij, Putin u shpreh se diskutoi me homologun iranian situatën në Lindjen e Mesme, duke e cilësuar atë si shqetësuese.

Ai shprehu shpresën se zhvillimet në rajon do të marrin një drejtim të favorshëm. Marrëdhëniet mes Rusisë dhe Iranit janë forcuar vitet e fundit, ndërsa të dyja vendet kanë shprehur gatishmërinë për të zgjeruar bashkëpunimin dhe për të kontribuar në përpjekjet diplomatike për uljen e tensioneve.