Banorët e qytetit ukrainas Oleshky tregojnë momentet e vështira të bllokadës

Në qytetin ukrainas Oleshky, i pushtuar nga Rusia, banorët kanë qenë të bllokuar pa ushqim, ujë dhe energji elektrike. Zyrtarët ukrainas dhe ministria e mbrojtjes e Rusisë thonë se armëpushimi i kufizuar po respektohet. Armëpushimi, të cilin Shtëpia e Bardhë tha se u sigurua nga Zonja e Pare e SHBA-ve, Melania Trump, ka për qëllim të lejojë dërgimin e ndihmave dhe evakuimin e civilëve të premten.

Oleshky, përreth vijës së frontit në rajonin e Khersonit, është i bllokuar nga njëra anë nga lumi Dnipro, që e ndan nga pozicionet ukrainase, dhe nga ana tjetër nga forcat ruse. Shumë banorë janë detyruar të gatuajnë barishte për të mbijetuar, duke i thënë BBC-së se po vuajnë nga uria ekstreme dhe duan të largohen. Ka shqetësime se armëpushimi nuk do të zgjasë, me një banor i cili u shpreh: “Nuk besoj në humanizmin e Rusisë.”

Gati 6 mijë persona, përfshirë 200 fëmijë, besohet se ndodhen ende në Oleshky dhe zonat përreth, sipas Kievit, me vetëm 1 mijë e 700 që jetojnë ende në qytet. Para luftës, Oleshky kishte 24 mijë banorë, por u pushtua nga Rusia gjatë ditëve të para të luftës, në shkurt të 2022.

Kushtet janë bërë aq të deshpuar sa që jo vetëm që futja e furnizimeve në qytet është jashtëzakonisht e vështirë, por edhe arratisja është shumë e rrezikshme, pasi rrugët dalëse nga Oleshky janë të minuara dhe nën sulme me dronë. Asnjë dyqan nuk është i hapur, dhe qyteti nuk ka pasur energji elektrike, gaz apo ujë për tre vjet.