Analizat e ADN-së rikthejnë në vëmendje 30 vrasjet e Ted Bundy

Autoritetet amerikane kanë nxjerrë të dhëna të reja nëpërmjet analizave të ADN-së lidhur me vrasësin serial, Ted Bundy me vrasjen e 17-vjeçares Melissa Ann Smith, e cila u vra në vitin 1974. Rasti kishte mbetur i pazbardhur për më shumë se gjysmë shekulli.

Autoritetet njoftuan të marten se provat e reja të ADN-së e lidhin Bundy-n me vdekjen e adoleshentes, trupi i së cilës ishte zbuluar nga një gjahtar në Utah, më shumë se 50 vjet më parë.

Prokurori i kontesë Summit, në shtetin e Utah-s, deklaroi se hetuesit janë të bindur se Bundy ishte përgjegjës për vrasjen e 17-vjeçares. Për vite me radhë, çështja ishte klasifikuar si një rast i pazbardhur, i njohur si cold case.

ADN-ja zbulon prova të reja pas më shumë se 50 vitesh. Edhe pse Ted Bundy u ekzekutua në vitin 1989, numri i viktimave të konfirmuara të tij vazhdon të rritet falë pëparimeve në teknologjinë e analizës së ADN-së.

Bundy vrau të paktën 30 gra dhe vajza në disa shtete amerikane gjatë viteve 1970. Ndërkohë, shumë gra të tjera arritën t’i shpëtonin sulmeve të tij ose mbijetuan, pavarësisht plagëve të marra.