Gazetari: Veliaj në protestë, pa kartë morale ndaj Ramës

Gazetari Enton Abilekaj ka thënë se Veliaj e ka treguar se është një nga ata që presin të ikë Rama. Abilekaj ka thënë se kjo armiqësi politike e Veliaj me kryeministrin Edi Rama vjen pas bashkëpunimit të ngushtë mes tyre në PS. "Është e qartë që te fjalia e parë, që protesta studentore nuk është fundi i botës, por fundi i një bote është për Ramën. Shohim njerëzit e Veliaj të afërt që janë në protestë. E kemi parë edhe herë tjetër që ka folur për çështje që nuk u pëlqenin Ramës. Veliaj e ka treguar se është një nga ata që presin të ikë Rama. Nuk di se sa punojnë. Në protestë ka njerëz. Mundohet që në Bashki të krijojë një pavarësi që të mos e ndihmojë Ramën në zgjedhjet lokale. Por kushtet e tij për ta sfiduar nga burgu janë shumë të vështirë. Mendoj se më shumë se kjo, Rama ka krijuar shumë armiq, i ka asgjësuar deri në pikën që të mos e kërçojë. Një armik i Ramës, si Veliaj apo ndonjë tjetër, nuk themi dot se është rrezik potencial për Ramën. Nëse ke bashkëpunuar me Ramën dhe e di çfarë ka bërë Rama, nuk mund ti shuash ato vite dhe të kesh kartën morale për ta sulmuar", tha Abilekaj.