APL kundër paketës fiskale: Rritja e kostove, ulja e konkurrencës

Aleanca e Profesionistëve të Lirë (APL) ka shprehur shqetësimin e tyre për paketën fiskale 2027, duke argumentuar se ajo nuk garanton koherencë të mjaftueshme ndërmjet objektivave fiskale dhe masave konkrete, duke rrezikuar rritjen e barra të tatimore, kostove administrative dhe dobësimin e konkurrencës së bizneseve.

Paketa fiskale 2027 parashikon rritjen e ardhurave neto shtesë në rreth 14 miliardë lekë, ose 0,6% të PBB-së. Ndryshimet kryesore janë:

* Tatimi mbi fitimin: nga 15% në 17% * Tatimi mbi dividendin: nga 8% në 15% * TVSH-ja standarde: nga 20% në 21% * TVSH-ja për akomodimin turistik: nga 6% në 10% * TVSH-ja për ushqimet bazë: nga 20% në 6% * Ndryshimet në tatimin mbi të ardhurat personale duke shtuar 32% norme

Këto masa rishpërndajnë barra të tatimore dhe kërkojnë analizë të plotë. Ulja e pragut të regjistrimit në TVSH nga 10 në 5 milionë lekë, pa kapacitete të mjaftueshme administrative, rrezikon të rrisë kostove të pajtueshmërisë pa garantuar formalizim efektiv.

Rritja e tatimit mbi fitimin dhe dividendin e çon barra të kombinuar nga rreth 21,8% në 29,45%, kur fitimi shpërndahet plotësisht. Kjo mund të frenojë riinvestimet, zgjerimin e aktivitetit dhe projektet e reja. Përpara miratimit, nevojitet analiza e ndikimit mbi investimet private, konkurrencën rajonale dhe kapitalin vendas.

Ulja e TVSH-së për ushqimet bazë në 6% mund të ndihmojë familjet, por përfundimi varet nga reflektimi i saj në çmimet përfundimtare. Për një çmim neto të pandryshuar, rritja e TVSH-së standarde nga 20% në 21% e rrit çmimin bruto me rreth 0,83%, ndërsa ulja për ushqimet mund ta ulë atë deri në 11,7%, nëse përcillet plotësisht te konsumatori.

Sipas të dhënave të cituara në dokumentacion, të ardhurat e vitit 2026 janë rreth 20,1 miliardë lekë mbi planin fillestar. Në vitin 2025, investimet kapitale të parealizuara arrin rreth 25,5 miliardë lekë, me realizim 84%, ndërsa dëmi ekonomik dhe efekti financiar negativ i konstatuar nga KLSH-ja vlerësohet në rreth 26,2 miliardë lekë. Përpara rritjes së barra të tatimore, Qeveria duhet të argumentoj qartë nevojën për të ardhura shtesë. Rritja nuk duhet të jetë qëllim në vetvete. Afatet e kufizuara krijojnë pasiguri për çmimet, kontratat, flukset e parave dhe investimet e bizneseve.

Në përfundim, APL kërkon rishikimin e Paketit Fiskal 2027 para miratimit, konsultim real me grupet e interesit dhe publikimin e një vlerësimi të plotë të ndikimit ekonomik e buxhetor për çdo masë. Kërkojmë rishqyrtimin e rritjes së tatimit mbi fitimin dhe dividendin, mbrojtjen e biznesit të vogël dhe profesionistëve të lirë.