Sulm amerikan në Paqësorin lindor, 5 të vrarë në një varkë të dyshuar për trafik droge
Forcat amerikane kanë kryer një sulm të tij në Paqësorin lindor, ku kanë mbetur të vrarë pesë persona në një varkë të dyshuar për trafik droge.
Forcat amerikane kanë kryer një sulm të tij në Paqësorin lindor, ku kanë mbetur të vrarë pesë persona në një varkë të dyshuar për trafik droge. Sulmi u krye në një motoskaf, sipas njoftimit të Komandës Jugore të SHBA-së (SOUTHCOM). Komanda amerikane cilësoi viktimat si "narko-terroristë", ndërsa administrata e presidentit Donald Trump ka deklaruar se anijet e goditura në operacionet e nisura në shtator të vitit 2025 transportonin drogë.
Sulmet amerikane ndaj mjeteve lundruese të dyshuara për trafik droge në Karaibe dhe Paqësorin lindor kanë shkaktuar më shumë se 230 viktima, sipas raportimeve të publikuara për këto operacione. Megjithatë, këto aksione kanë nxitur kritika të forta nga organizatat ndërkombëtare për të drejtat e njeriut dhe ekspertët ligjorë, të cilët vënë në pyetje bazën ligjore të vrasjes së personave pa një proces gjyqësor.
Organizatat Human Rights Watch dhe Amnesty International, si dhe ekspertë të pavarur të Kombeve të Bashkuara, i kanë cilësuar sulmet si vrasje të mundshme jashtëgjykimore. Edhe Unioni Amerikan për Liritë Civile (ACLU) ka kritikuar justifikimet e administratës amerikane, duke vënë në pyetje provat që mbështesin akuzat ndaj personave të shenjestruar.