Stafa: Protestat janë të organizuara nga të rinjtë, zgjidhja është dorëheqja e Ramës

Gazetari Osman Stafa foli për protestat kundër qeverisë, duke u ndalur veçanërisht te pjesëmarrja e studentëve dhe gjimnazistëve. Sipas tij, pas maskave të protestuesve qëndrojnë të rinj që përballen me vështirësi të shumta dhe që nuk shohin mundësi për të ndërtuar të ardhmen në vendin e tyre.

I ftuar në emisionin “Opinion” në Tv Klan, Stafa ngriti gjithashtu shqetësimet për situatën në sistemin shëndetësor, ndërsa theksoi se largimi i të rinjve nga Shqipëria mbetet një nga problemet më të mëdha të vendit.

Gazetari u shpreh se situata kërkon një zgjidhje politike, të cilën ai e sheh të dorëheqjes së kryeministrit Edi Rama. “Shumica e protestuesve janë të rinj, janë studentë e gjimnazistë. Protesta ka të rinj dhe janë të rinj që janë të pakënaqur, në raport me sistemin 36-vjeçar. Protesta është e organizuar në rrjetet sociale. Unë dua të them që pas këtyre maskave fshihen njerëz, që kanë shumë halle dhe që kanë probleme të shumta për të ndërtuar të ardhmen e tyre në Shqipëri. Te Onkologjiku mungojnë medikamente, është një plagë që vazhdon për vite me radhë. Te Neurologjia vdes, sepse këta nuk vendosin në punë pajisjet. Tani që kemi bërë denoncime kanë nisur të vendosin në punë pajisjet që kanë. Fatkeqësia më e madhe për këtë komb është se rinia i thotë prindërve “ik se këtu nuk ka të ardhme këtu”. Zgjidhja duhet të jetë politike. Zgjidhja politike është dorëheqja e kryeministrit Edi Rama, që nuk ka bërë realitet premtimet. Është një frymë dhe duhet që të delë tashmë me një front politik.”