Zbardhen tre raste vjedhjesh në Vlorë, njëri në kërkim

Policia e Vlorës ka finalizuar dy operacione policore në kuadër të të cilave janë zbardhur tre vjedhje në biznese dhe lokale. Në lagjet "Rilindja" dhe "Pavarësia 2" janë arrestuar shtetasit A. B., 37 vjeç, dhe I. A., 33 vjeç, ndërsa është shpallur në kërkim M. L., 38 vjeç. Të tre dyshohen si autorë të këtyre vjedhjeve. Në një operacion tjetër, është kapur dhe arrestuar shtetasi A. J., 42 vjeç, i cili ishte shpallur në kërkim për veprën penale të shkatërrimit të pronës me zjarr. Ai dyshohet se më 8 tetor 2026 ka djegur një mjet pune, miniskrep, në lagjen "Uji i Ftohtë". Materialet procedurale për të gjitha rastet i janë referuar Prokurorisë së Vlorës për veprime të mëtejshme.