Rama: Nuk do të tërhiqem para se të mbarojë kontrata me qytetarët

Kryeministri Edi Rama ka përcjell një mesazh publik për studentët dhe qytetarët që marshojnë në rrugët e Tiranës, duke shenuar ditën e 16-të të protestave kundër qeverisë. Ai ka thënë se nuk ka ndërmend të tërhiqet para se të mbarojë kontrata me qytetarët. "A është e mundur të më mirëkuptohet kjo dhunë, presion dhe shantazh që gëlon ndaj kujt që nuk i bindet dhe nuk i bën hosana kësaj turme? Një turmë që nuk kërkon të dëgjohet, por pretendon të vendosë në emër të rinisë", tha ai. Rama ka kritikuar protestuesit për ushtrimin e presioni, përdorimin e gjuhës fyese dhe sjelljen që, sipas tij, nuk përfaqëson vlerat e rinisë shqiptare. "Jam dhe do të jem deri në ditën e fundit të kontratës me njerëzit e zakonshëm. E kam thënë kur nuk kishte asnjë protestë, kur kërkova mandatin e katërt dhe çdo vit e kemi rritur volumin e rishpërndarjes së fryteve, për paga dhe investime dhe shpenzime sociale", tha ai. Kryeministri ka mbrojtur gjithashtu bilancin e qeverisjes së tij, duke përmendur rritjen e pagave, investimet publike dhe shpenzimet sociale si pjesë të angazhimeve ndaj qytetarëve.