Sara Gjordeni: Kujdes, mos lini fëmijët t’i puthë kushdo!

Sara Gjordeni ka ndarë me ndjekësit një shqetësim shëndetësor që ka prekur të gjithë familjen e saj. Ish-banorja e "Big Brother VIP" ka treguar se ajo, partneri i saj, këngëtarë Bardhi, dhe vajza e tyre, Nea, po përballen me një infeksion të syve që po u shkakton shqetësimet e konsiderueshme.

Përmes disa postimeve në Instagram, Sara e ka përshkruar gjendjen si një lloj "gripit të syve", duke treguar se simptomat përfshijnë skuqje, enjtje, dhimbje dhe vështirësi në shikim. Sipas saj, rikuperimi mund të zgjasë për javë të treta.

Ajo ka vënë në dukje gjithashtu se ka marrë shumë mesazhe nga persona që po përballen me të njëjtin problem, duke ngritur shqetësimin se infeksioni mund të jetë përhapur gjerësisht.

"Ruajini fëmijët të mos prekin këdo ose të mos i puthni kushdo. S'e keni ideenë sesa persona më shkruajnë në ditë për këtë gjë. Dukshëm është diçka në masë", ka shkruar Sara në një prej mesazheve të saj.

Ish-banorja ka përmendur edhe dhimbjen, djegjen dhe enjtjen në zonën përpara veshëve. Ajo ka treguar se po përpqiqet të mbajë syze dhe të shmangë ekspozimin e syve për shkak të shqetësimeve që po përballet.

Deklarata e saj ka terhequr vëmendjen e ndjekësve, veçanërisht për shkak se problemi shëndetësor ka prekur jo vetëm atë, por edhe partnerin dhe vajzën e tyre.

Sara nuk ka dhënë më shumë hollësi për diagnozën apo trajtimin, ndërsa këshilla e saj kryesore për prindërit ka qenë të tregojnë kujdes me kontaktet e fëmijëve me persona të tjerë.