Netanyahu përballë një fronti të ri politik: Opozita kërkon bashkëpunim me partitë arabe

Një ditë pas zgjedhjeve parlamentare në Izrael, sinjale të para konkrete janë nisur të shfaqen për bashkëpunim mes opozitës dhe partive arabe, një zhvillim që mund të ndryshojë negociatat për formimin e qeverisë së ardhshme.

Kreu i Partisë Demokratët, Yair Golan, ka bërë thirrje të merkuren që opozita të bashkojë forcat me partitë arabe Ra'am dhe Lista e Përmbashkët, duke argumentuar se rezultatet zgjedhore krijojnë mundësinë për një shumicë parlamentare pa kryeministrin Benjamin Netanyahu.

Sipas gazetës izraelite The Jerusalem Post, Golan iu referua një ndarje prej 65 mandate për forcat jashtë kampit të Netanyahut, kundrejt 55 mandateve për kampin e kryeministrit.

Golan ka kërkuar që opozita të mos e përjashtojë bashkëpunimin me përfaqësuesit politikë të qytetarëve arabë të Izraelit.

Nuk kemi të ardhmen këtu nëse nuk pushojmë së pasuri frikë. Nuk duhet ta pranojmë më ndarjen raciste që Netanyahu bën mes votave hebraike dhe atyre arabe. Vota e një qytetari izraelit në Taybeh ka saktësisht të njëjtin vlerë me votën e një qytetari izraelit në Givat Shmuel.

Sipas Golanit, opozita ka përgjegjësinë dhe mundësinë të formojë një qeveri ndryshimi në partneritet me qytetarët arabë të Izraelit.

Thirrja e tij mori një përgjigje pozitive nga përfaqësuesit e Listës së Përmbashkët, një prej dy forcave kryesore politike arabe që kanë siguruar përfaqësim të konsiderueshëm në Knesset.

Kryetari i kësaj partie, Yousef Jabareen, deklaroi se forca e tij është e gatshme të ndihmojë në largimin e qeverisë Netanyahu.

Jemi të gatshëm të hapim rrugën për largimin e qeverisë Netanyahu. Kundër një qeverie të gjakderdhjes, kundër një politike të supremacisë, racizmit dhe përjashtimit, ne ofrojmë një alternativë krejtësisht tjetër.

Jabareen theksoi se ndryshimi politik duhet të mbështetet në bashkëpunimin mes qytetarëve hebrenj dhe arabë.

Ndryshimi vjen përmes partneritetit hebreo-arab, një partneriteti i vlerës dhe i barabartë. As më pak dhe as më shumë.

Edhe deputeti i lartë i Listës së Përmbashkët, Ahmad Tibi, dha sinjale gatishmërie për bashkëpunim me opozitën.

Në një intervistë për radion e ushtrisë izraelite, Tibi deklaroi se partitë opozitare mund ta formojnë qeverinë nëse tregojnë vullnet politik.

Blloku opozitar do të jetë në gjendje të formojë një qeveri nëse ka guximin. Ne po shtrijmë dorën dhe jemi të gatshëm të ndihmojmë.

Thirrjet për bashkëpunim u bashkua edhe deputeti Gilad Kariv nga Partia Demokratët, i cili e përshkroi situatën pas zgjedhjeve si një realitet të ri politik.

Sipas tij, koalicioni i djathtë ka humbur një numër të konsiderueshëm mandate, ndërsa opozita ka forcuar përfaqësimin si të votuesve hebrenj liberalë, ashtu edhe të qytetarëve arabë.

Kariv u bëri thirrje forcave opozitare të marrin vendime të përbashkëta për drejtimin e ardhshëm të vendit.

Sipas të dhënave të Komisionit Qendror të Zgjedhjeve, dy partitë arabe pritet të sigurojnë gjithsej 17 mandate: 11 për Listën e Përmbashkët dhe gjashtë për Ra'am.

Ndërkohë, katër partitë e bllokut opozitar — Yashar, B'Yachad, Yisrael Beytenu dhe Demokratët — projektohen të marrin së bashku 49 mandate.

Kjo i vendos partitë arabe në një pozicion të rëndësishëm për negociatat e ardhshme, megjithëse mbetet për t'u përcaktuar nëse bashkëpunimi do të marrë formën e një koalicioni qeverisës apo të mbështetjes parlamentare nga jashtë.

Deklaratat e Golanit, Jabareenit dhe Tibit shënonin sinjale të qarta deri tani për një afrim politik mes një pjesë të opozitës hebraike dhe përfaqësuesve arabë.

Megjithatë, gatishmëria e tyre nuk përben ende një marrëveshje për formimin e qeverisë. Për këtë, përfshihet edhe një marrëveshje për bashkëpunim mes partive arabe dhe opozitës.