Shefi i policisë së Guatemalës shkarkohet pas vrasjes së ish-prokurorit që denoncoi lidhjet e tyre
Shefi i policisë së Guatemalës, David Custodio, dhe zëvendësi i tij, Esvin Kitche, janë shkarkuar nga detyra pas vrasjes së ish-prokurorit Juan Francisco Solorzano Fopa, i cili kishte denoncuar lidhjet e tyre me grupe kriminale dhe zyrtarë të vendit.
Ministri i Brendshëm i Guatemalës, Marco Antonio Villeda, deklaroi se shkarkimet janë pjesë e një procesi rishikimi dhe ristrukturimi institucional për të forcuar policinë. Vrasja e ish-prokurorit ka tronditur Guatemalën, në një kohë kur vendi po përballon rritjen e krimit dhe tensionet politike të larta, ndërsa zgjedhjet përgjithshme të vitit 2027 po afrohen. Ish-prokurori kishte denoncuar publikisht lidhjet e dyshuara mes autoriteteve, politikanëve, biznesmenëve dhe bandës kriminale Barrio 18, e konsideruar ndër më të fuqishmet në Guatemalë. Ai kishte akuzuar drejtpërdrejt edhe drejtorin e atëhershëm të policisë, David Custodio, për lidhje me krimin e organizuar. Ministri i Brendshëm deklaroi se shkarkimet janë pjesë e një procesi rishikimi dhe ristrukturimi institucional për të forcuar policinë.