Gjykatja liron 30-vjeçarin që akuzohet për nxitjen e trazirave në Milano

Gjykatja e Milanos ka liruar një 30-vjeçar që akuzohet për nxitjen e trazirave gjatë protestave në Milano. Gjyqtarja e hetimeve paraprake, Tiziana Landoni, ka urdhëruar lirimin e menjëhershëm të Siher, duke vlerësuar se provat e paraqitura nuk përmblushinin kriteret ligjore për konfirmimin e arrestimit.

Kryeministra Giorgia Meloni ka reaguar me një video në rrjetet sociale, duke e cilësuar vendimin si "turpshëm" dhe një poshtërime të punës së policisë dhe institucioneve të sigurisë. "Vërtet nuk e di se si një shtet normal mund të mbrojë qytetarët përballë vendimeve të tillë nga disa magjistratë", deklaroi Meloni.

Ministri i Jashtëm, Antonio Tajani, ka paralajmëruar se lirimi i tij mund të rrezikojë sigurinë e vendit, ndërsa ministri Roberto Calderoli ka kritikuar gjykatën për mosmarrjen në konsiderata të shqetësimeve të prokurorisë lidhur me rrezikun e arratisjes dhe përsëritjes së veprave të dyshuara penale.

Deklaratat e qeverisë kanë sollë reagimin e Shoqatës Kombëtare të Magjistratëve të Italisë, e cila shpreh solidaritet me gjyqtaren dhe e cilëson qëndrimin e Melonit si një sulm joproporcional ndaj gjyqësisë. "Autonomia dhe pavarësia e gjyqësisë janë dy gurë themeli të demokracisë", theksoi shoqata, duke kujtuar se vendimet e gjykatave mund të kundërshtohen përmes rrugëve ligjore dhe jo duke ushtruar presion publik ndaj magjistratëve.

Edhe drejtuesit e Gjykatës së Milanos, Fabio Roia dhe Ezia Maccora, i cilësojnë të papranueshme kritikat politike, duke sqaruar se gjyqtarët kanë detyrimin të shqyrtojnë në mënyrë të pavarur provat e prokurorisë dhe argumentet e mbrojtjes.

Në debat ndërhyri edhe opozita. Përfaqësues të Partisë Demokratike, Aleancës së të Gjelbërve dhe të Majtës dhe Lëvizjes Pesë Yjet akuzuan Melonin se po cenon parimin e ndarjes së pushteteve dhe po përpqiqet të delegjitimojë drejtësinë.