Protestuesit para Kryeministrisë, bie ndjeshëm pjesëmarrja

Protesta studentore po vijon pasditen e sotme në ditën e 16-të. Edhe këtë të martën, protesta nisi në Rrugën e Durrësit, ku pikërisht para godinës së Ministrisë së Arsimit, ku studentët dhe gjimnazistët pjesëmarrës vijuan me thirrjet e tyre kundër qeverisë. Më tej, përmes marshimit, protestuesit iu drejtuan bulevardit “Deshmorët e Kombit”, për të u vendosur para Kryeministrit, ku poshtë zyrës së kryeministrit Edi Rama po kërkohej dorëheqja e tij. Pamjet tregojnë një rënie të ndjeshme të numrit të pjesëmarrësve, që tanimë në orët e pasditen numërohen fare lehtë me sy. Siç vihet re, këtë të martën në bulevard janë vetëm një grup i vogël protestuesish. Prej më shumë se dy javësh, të rinjtë u përfshinë në protesta me episode dhune, por edhe situata përshkallëzimi, që e kthyen qendrën e Tiranës në një zonë kaotike.