Presidenti Begaj: Ngushëllime për viktimat e tragjedisë në Spanjë

Presidenti i Republikës së Shqipërisë, Bajram Begaj, ka reaguar pas tragjedisë hekurudhore në Spanjë, ku 68 persona kanë humbur jetën si pasojë e përplasjes së dy trenave me shpejtësi të lartë. Përmes një postimi në platformën X, kreu i shtetit shqiptar ka shprehur dhimbjen për humbjen e jetëve njerëzore, duke u përcjellë ngushëllimet me sinqeritet për familjarët e viktimave dhe popullin spanjoll. Begaj ka uruar gjithashtu shërim të shpejtë dhe të plotë për personat e lënduar, ndërsa ka theksuar se Shqipëria qëndron në solidaritet të plotë me Spanjën në këto momente të vështira. “Ngushëllime familjeve të viktimave të aksidentit tragjik hekurudhor dhe të gjithë popullit spanjoll. U uroj të gjithë të lënduarve shërim të shpejtë dhe të plotë. Shqipëria është në solidaritet të plotë me Spanjën gjatë kësaj kohe të vështirë”, ka shkruar Presidenti Begaj në X.