Masat kundër dhunës hyjnë në fuqi, gjoba deri në 500 mijë lekë për protestuesit e maskuar

Kanë hyrë në fuqi sot masat nga paketa e re ligjore kundër dhunës, të cilën e prezantoi disa ditë më parë kryeministri Edi Rama. Në paketë, parashikohen gjoba 10,000–100,000 lekë për pjesëmarrje në tubime të ndaluara e fshehja të paligjshme të identitetit; 20,000– 200,000 lekë për mosbindje ndaj urdhrave të shpërndarjes, ndërsa në rastet kur personat janë të maskuar, gjoba varion 50,000– 500,000 lekë. Policia do t’i regjistrojë në formë audiovizuale njoftimet për shpërndarje. Personat që bllokojnë rrugën gjatë tubimeve do të gjobiten me 5 mijë lekë.