Vincent Kompany vazhdon në spital, 2 diagnoza të rënda përshkruhen, por misteri mbetet ende

Trajneri i Bayern Munich, Vincent Kompany, vazhdon në spital pasi humbi ndjenjat pas një incidenti gjatë një seance stërvitore. Mjekët kanë përjashtuar mundësinë e një ataku në zemër apo goditjeje në tru, por ende nuk ka një diagnozë përfundimtare.

Ndihmëstrajneri i Bayern Munich, Aaron Danks, ka konfirmuar përmirësimin gradual të gjendjes shëndetësore të Kompany-t. "Është në humor të mirë. Duket se po bëhet më mirë çdo ditë", deklaroi Danks, duke sqaruar se mjekët ende nuk kanë dhënë një diagnozë përfundimtare dhe se klubi nuk ka percaktuar një datë për rikthimin e trajnerit.

Sipas raportimeve, Kompany mund të qëndrojë disa javë larg pankinës, ndërsa ndihmësit e tij do të marrin përsipër drejtimin e skuadrës gjatë mungesës së tij. Bayern Munich pret përfundimin e ekzaminimeve mjekësore përpara se të marrë një vendim mbi rikthimin e teknikut belg në detyrë.