Sestao River eliminon Espanyolin në minutën e 120-të në Kupën e Mbretit
Espanyoli u eliminua nga Sestao River në minutën e 120-të në një ndeshje të Kupës së Mbretit, pas një fitoreje dramatike 4-3 në kohën shtesë.
Espanyoli nisi takimin si favorit dhe kaloi në avantazh në minutën e 6-të, por vendasit reaguan me forcë dhe përmbysen rezultatin në pjesën e parë, falë golave të Adri Carrion në minutën e 18-të dhe Andoni Ugarte në minutën e 40-të.
Kur eliminimi dukej pranë, Espanyoli shpëtoi në minutën e 90-të, kur Roberto Fernández realizoi nga penalltia dhe dërgoi ndeshjen në kohën shtesë, ku katalanasit kaluan sërish në epërsi me Gabriel Moscardón në minutën e 96-të.
Sestao River nuk u dorëzua. Laka barazoi në minutën e 98-të, duke rikthyer shpresat e vendasve, ndërsa Jon Rojo shënoi golin vendimtar në minutën e 120-të, duke vulosur një nga surprizat e mëdha të këtij turneut të Kupës së Mbretit.
Për Espanyolin, eliminimi u shoqërua edhe me një tjetër zhvillim të rendësishëm: trajneri Manolo González u shkarkua rreth një orë pas përfundimit të ndeshjes.