Aktivistja që shpëtoi mrekullisht: Policët të armatosur deri në dhëmbë, unë…

Aktivistja Eva Pango, që u plagos rëndë në kokë gjatë protestës në Tiranë, tregon për shenjat e goditjes që ende janë të pranishme. Ajo tha se nuk kishte asgjë në duar dhe nuk po bënte thirrje për dhunë, por policët të armatosur deri në dhëmbë.

"E kam një mesazh për të gjithë të rinjtë. Mos u dorëzoni, ne do të dalim!" tha Eva Pango.

Ajo është aktiviste e një prej protestave të reja në Tiranë, që kanë shpërthyer në dhunë dhe kaos. Protestuesit kanë qenë të sulmuar nga policia dhe rojet private, dhe disa prej tyre kanë qenë arrestuar.

Eva Pango tha se nuk kishte arritur të identifikojë personin që e kishte plagosur, por se ishte nisur të hetonte ngjarjen. Ajo tha se shenjat e goditjes që për pak sa nuk i mori jetën ende janë të pranishme.

"Unë nuk kisha asgjë në duar dhe nuk po bëja thirrje për dhunë, asgjë thjeshtë duke qëndruar në vijën e para, dy hapa para protestuesve të tjerë. Ata të armatosur deri në dhëmbë, unë asgjë dhe unë pësoj frakturë zhytëse. Kam frakturë zhytëse që nga sinusi, që nga vetulla poshtë, që nga kocka e syve dhe deri sipër te balli. Vazhdoj ta kem, nuk duket ndoshta me sy direkt, por vazhdoj ta kem thyerjen e kafkës," tha Eva Pango.

Rasti i saj është padyshim ndër më të dhimbshmit. Eva tregon se nuk ka arritur të identifikojë personin që e ka qelluar, por se ka nisur të hetonte ngjarjen.

"Po ta kisha mbajtur mend individin do të ishte tani pas hekurave, por po përpiqem ta identifikojmë, ka nisur hetimi. Shumë e vështirë, sepse ka ardhur nga majtas, jo nga rreshti i pare. Madje nuk jam e sigurt nëse ka qenë polic me uniformë, apo ka qenë civil," tha protestuesja, Eva Pango.

Eva nuk është studente, por është një prej aktivisteve të reja që kanë mbështetur këto proteste. Ajo ka qenë pjesë e asaj që njihet si protesta e Flamingove, një qëndresë që kishte pikënisje dhunën e ushtruar nga rojat private ndaj qytetarëve që protestonin për heqjen e gardhit të vendosur në Zvërnec nga investitorët.

"Kur nisi protesta e flamingove, unë s'kam dashur kurrë ta quaj si protestë flamingosh, sepse më duket se bëhet shumë pink, shumë rozë. Ishte qasja e një grupi të caktuar që e nisi për ta quajtur revolucion flamingosh. Për mua, ne jemi shqiponja dhe vetëm shqiponja," tha protestuesja, Eva Pango.

"Flamingot" u përçanë mes tyre pavarësisht se ia dolën ta mbajnë gjallë protestën. Akuzat nisën mes tyre për kapje nga qeveria, pati përçarje, sherre mes palëve dhe përfundimisht, studentët vendosën një mënyrë më të ashpër të reagimit të tyre përballë institucioneve.

"Thamë ore si u mblodhën kaq shumë, nuk ishte protestë e vogël, ishin 200 mijë veta në shesh, pavarësisht se për shkak të problemave të brendshme u reduktua goxha shumë numri i protestuesve," tha Eva Pango.

"Sepse gjithë këto kontradikta çuan në krijimin e disa grupeve që kishin mendime të ndryshme. Unë e para nisa, dhe thashë kjo nuk bëhet me këngë e me valle. Kisha dalë shumë e revoltuar aty, ashtu si shumë të tjerë dhe nuk isha që të dilnim 2 ore me fjalime të kontrolluara, Rama jepe dorëheqjen dhe kaq. Nuk isha për këto pjesë," tha ajo.