Avokati i Veliajit: Kushtet janë skandaloze në burgun e Fierit

Avokati i Erjon Veliajit, Plarent Ndrecaj, ka ngritur shqetësime për kushtet e qëndrimit të klientit të tij në burgun e sigurisë së lartë në Fier. Ai ka deklaruar se Veliaji është vendosur në një ambient izolimi së bashku me dy të dënuar të tjerë me burgim të përjetshëm. Në këtë ambient, Veliaji nuk ka pasur asnjë kontroll mjekësor, pavarësisht problemave që ka pasur me këmbën prej më shumë se tre javësh.

Ndërkohë, avokati ka pretenduar se Veliaji nuk ka konsumuar ushqim dhe nuk i është mundësuar komunikimi telefonik me familjen dhe avokatin. Ai ka falënderuar Avokatin e Popullit, Endrit Shabani, për vizitën dhe verifikimin e situatës në burgun e Fierit, ndërsa ka kërkuar reagimin e Ministrisë së Drejtësisë dhe të institucioneve të tjera përgjegjëse.

Pretendimet për kushtet e izolimit dhe ligjshmërinë e transferimit pritet të marrin një përgjigje nga autoritetet e burgjeve.