Interi dhe Milani prezantojnë stadiumin e ri San Siro: 2.3 miliardë euro investim!

Interi dhe Milani janë gati për të prezantuar projektin e stadiumit të ri San Siro, një investim i rëndësishëm për futbollin italian. Stadiumi do të ketë një kapacitet prej 71.500 vende dhe do të kërkojë një investim prej 2.3 miliardë euro, me një pjesë të mëdha të këtij investimi të shpërndarë në ndërtimin e stadiumit.

Stadiumi do të ketë dy nivele të medha tribunash, një çati fikse, parkim nëntokësor dhe ambiente për blerje, restorante dhe argëtim. Synimi është që stadiumi të ofrojë jo vetëm një përvojë të re për tifozët, por edhe mundësi të konsiderueshme për të ardhura jashtë ditëve të ndeshjeve.

Procedurat e autorizimit duhet të përfundojnë deri në verën e vitit 2027, në mënyrë që punimet të fillojnë para fundit të po atij viti. Dorëzimi i stadiumit të ri synohet mes vitit 2031 dhe fillimit të vitit 2032, me objektivin që të jetë gati për të pritur ndeshje të Kampionatit Europian të vitit 2032.

Për Interin dhe Milanin, projekti përfaqëson një investim strategjik edhe nga pikëpamja ekonomike. Të dy klubet presin të rrisin të ardhurat me rreth 60 milionë euro në vit, falë kapacitetit të ri, zonave premium dhe aktiviteteve tregtare që do të zhvillohen në kompleks.