Vrasja e Denaldo Maxhallakut: 29-vjeçari italian pranon përgjegjësinë për vrasjen

Një 29-vjeçar italian, nga zona e Cesenës, ka pranuar se ka vrarë me armë shqiptarin Denaldo Maxhallaku, 31 vjeç, trupin e të cilit autoritetet italiane e gjetën në një pus në Longianos. "E bëra unë", deklaroi ai para hetuesve, duke pranuar përgjegjësinë për krimin.

Denaldo Maxhallaku, i cili punonte si bojaxhi dhe jetonte në Gatteo a Mare, ishte larguar nga banesa mbrëmjen e 8 tetorit. Ai i kishte thënë bashkëshortes se do të shkonte në një lokal dhe do të kthehej më vonë, por që prej asaj mbrëmjeje familjarët humbën kontaktet me të. Shqiptari la pas bashkëshorten dhe vajzën njëvjeçare.

Sipas rindërtimit paraprak të hetuesve italianë, Maxhallaku ishte takuar me 29-vjeçarin në banesën e këtij të fundit. Mes tyre dyshohet se nisi një debat për borxhe të lidhura me leshët narkotike, i cili përfundoi me përdorimin e armëve të zjarrit.

I dyshuari, i cili sipas hetimeve ishte përdorues droge dhe kishte grumbulluar borxhe të konsiderueshme, ka deklaruar se ndihej i keqardhunë. "Kam pasur frikë për veten dhe familjen time, jam ndier i keqardhur", tha ai gjatë marrjes në pyetje.

Pas vrasjes, 29-vjeçari ka rrëfyer se transportoi trupin e shqiptarit dhe e hodhi në një pus pranë fushave për të fshehur krimin. Hetuesit dyshojnë gjithashtu se ai i vuri flakën automjetit të Maxhallakut për të zhdukur gjurmët.

Autoritetet italiane po e mbajnë 29-vjeçarin në ambientet e karabinierëve në Savignano, ndërsa pritet ta transferojnë në burgun e Forlit, ku do të presë seancën për vleftësimin e ndalimit.

Ndërkohë, ekspertiza mjekoligjore dhe autopsia pritet të percaktojë shkakun e saktë të vdekjes, ndërsa hetuesit vijojnë verifikimet për të dokumentuar rrethanat e vrasjes.